Willkommen @ Bellezza in te

Hallo mitenand    

 

Ich dörf mich churz vorstelle...

Heisse Anna Cerra und chume us Italie aber ufgwachse bini da ide Schwiiz.

Sit ich chan dänke, han ich scho immer gwüsst, das Coiffeuse min Traumbruef wird si. Im Alter vo 8 Johr hani scho mini erscht Stammchundin gha...und zwar mini Mamma :o).

So isch das entstande:

 

Sie het Ihri Hoor immer sälber gmacht, denn han ich sie mol dörfe frisiere. Ich weiss no ganz genau, mir sind am Samschtigmorge immer go poschte und d'Lüüt händ mini Muetter gfrogt: "bisch scho bim Coiffeur gsi??" für mich s'schönschte Komplimänt, mini Muetter uf das: "ja, mini Tochter het freud mini Hoor z’frisiere und ich la sie mache."


Ide Schuel hämmer eusi zuekünftigi Brüef sölle darstelle...und ich bi natürli mitere Schär und Kamm abblitzt worde, mis Thema: "Coiffeur".

Unterdesse sind 18 Johr vergange und ich dörf min Traumbruef immerno täglich erläbe, immer mit neue Herusforderige. Und will ich Heruseforderige liebe, wird ich das Jahr mis eigne Coiffeurgschäft eröffne.

"Bellezza in te" was soviel heisst wie "Schönheit in dir"...en Ort, wo sich jede Chund erhole und verwöhne lah dörf.

 

Für mich isches es Abendtüür mini Chunde dörfe zverschönere. Obs Hoor, Make-up oder chlini kosmetischi Verbesserige sind, ich hol s’Beschte us Eui usse.

 

Was macht mich speziell?...mis Gheimnis...das verrot ich do ganz sicher ned, deshalb chömet verbii und findeds use :o)...


Mis Ziel isches Euri Wünsch und Vorstellige dörfe umzsetze, so das ihr mitemene Lächle hei gönt.

 

Ich freu mi eu bald dörfe kennezlerne.

 

ci vediamo
Anna

Geschenkgutschein für jede Gelegenheit... :o)

Bereiten Sie Ihren Liebsten eine Freude und schenken Sie einen Gutschein von

Bellezza in te.


Kontakt

 

Bellezza in te Hairstyling

Anna Cerra

Stockmattstrasse 83

5400 Baden

 

Telefon: +41 56 556 25 25

Mobile: +41 78 870 87 47

E-Mail: anna@bellezzainte.ch

Geschenkgutschein